Baada ya kufungwa kwa pazia la ligi kuu Tanzania Bara, VPL huku mabingwa watetezi Yanga SC wakitawazwa kuwa mabingwa, mashabiki wa vilabu hivyo kongwe hapa nchini wamezidi kutambiana huku mashabiki wa Simba wakisema wanasubiri pointi zao tatu kutoka FIFA ili wachukue kombe lao.
Aidha, wakizungumza kwa nyakati tofauti tofauti na dar24 media jijini Dar es salaam, baadhi ya mashabiki wa Simba wameutupia lawama uongozi wa timu hiyo kuwa ndiyo uliosababisha kuukosa ubingwa wa msimu huu.
Kwa upande wa mashabiki wa Yanga SC, wamesema kuwa timu yao ilijipanga tangu mapema hivyo kuchukua kwao ubingwa si kitu cha kushangaza.
