Waendesha boda boda Wilaya ya Ilala wameandamana jijini Dar es salaam kwaajili ya kumpongeza Rais wa Jamhuri ya Muungano wa Tanzania, Dkt. John Pombe Magufuli dhidi ya utendaji wake wa kazi.
Akizungumza katika maandamano hayo, Mkuu wa Wilaya ya Ilala, Sophia Mjema amewataka Waendesha boda boda hao kufuata sheria za barabarani ili kuweza kuepukana na ajali ambazo zimekuwa zikitokea mara kwa mara.
“Kazi mnayoifanya ni kubwa na ni nzuri sana, lakini nawasihi sana mfuate sheria za barabarani, ili kuweza kuepuka ajali ambazo zimekuwa zikijitokeza na kugharimu maisha ya watu ambao hawana hatia,”amesema Mjema.
