Rais wa Urusi, Vladmir Putin amesema kuwa nchi yake inamiliki kombora ambalo linaweza kufika sehemu yeyote duniani na lisiloweza kudunguliwa.
Amesema kuwa kombora hilo halipai juu sana na ni vigumu kulitambua likipita, huku likiwa na uwezo wa kubeba kichwa cha nyuklia na linaweza kufika popote pale bila kuzuiwa na mifumo ya kinga ya makombora.
Ameyasema hayo alipokuwa akihutubia taifa hilo na kunadi sera zake, ambapo ameahidi kupunguza viwango vya umaskini nchini humo na kuboresha uchumi.
Aidha, Kiongozi huyo anakabiliwa na wapinzani saba kutoka vyama vya upinzani, lakini hakuna hata mmoja kati ya hao anayetarajiwa kutoa ushindani mkubwa kwa Putin
Hata hivyo, Rais huyo anagombea muhula wa nne ambapo uchaguzi mkuu wa nchi hiyo unatarajiwa kufanyika Machi 18, 2018.
