Mabingwa wa England msimu wa 2019/20 klabu ya Liverpool, wanatajwa
kuwa kwenye mipango ya kumsajili Kiungo Mshambuliaji kutoka Hispania na klabu ya Wolves Adama Traore.
Kiungo huyo mwenye umri wa miaka 25, saininyake inawindwa katika kipinfi hiki cha usajili kuelekea msimu mpya 2021/22.
Adama ambaye hakuwa na kiwango kizuri msimu uliopita alitajwa kuwa kwenye rada za Barca waliotaka kumrudisha Camp Nou, baada ya kumkuza kupitia kituo cha kukuza na kuendeleza vipaji cha klabu hiyo (La Masia).
Lakini, Liverpool imeingilia kati na inaonekana kuwekeza nguvu kubwa ya kuhakikisha inamsainisha kwenye dirisha hili ili aende kusaidia eneo lao la ushambuliaji ambalo halina upana ikiwa mshambuliaji mmoja ataumia.
Mkataba wa Traore na Wolves utafikia kikomo mwaka 2023.
