Mlinda Lango wa Arsenal, Aron Ramsdale, bado yupo sana baada ya taarifa kueleza anakaribia kutia saini mkataba mpya ambao utamweka klabuni hapo kwa muda zaidi.
Ramsdale amekua katika kiwango bora sana kwa misimu miwili aliyoitumikia klabu hiyo haswa ndani ya msimu huu ambapo Arsenal imekua kwenye kiwango bora kabisa.
Lakini vilevile golikipa huyo amekuwa mmoja wa wachezaji ambao ni ufunguo kwenye mafanikio ya timu hiyo msimu huu.
Arsenal ipo kwenye utaratibu wa kuwaongezea mikataba wachezaji wake wanaofanya vizuri klabuni hapo.
Hii imekua sehemu ya mradi wa kuiitengeneza timu hiyo kuwa moja ya timu shindani kwa muda mrefu ndani ya Ligi Kuu England na hata barani Ulaya kwa ujumla.
Taarifa zimeeleza Arsenal imeshamalizana na Ramsdale na inatarajia kumtangaza hivi karibuni kuwa mchezaji huyo ameongeza mkataba wa kuwatumikia washika mitutu hao wa London na kuongeza idadi ya wachezaji walioongeza mkataba klabuni hapo.
