Klabu ya Azam FC imepangwa kucheza dhidi ya Horseed SC ya Somalia katika mchezo wa raundi ya awali ya michuano ya Kombe la Shirikisho Afrika (CC).
Mechi ya kwanza itafanyika Uwanja wa Azam Complex, kati ya Septemba 10-12 mwaka huu, huku mchezo wa marudiano ukifanyika kati ya Septemba 17-19.
Wawakilishi hao wa Tanzania endapo watafanikiwa kusonga mbele, kwenye raundi ya kwanza watakutana na Pyramid ya Misri, mchezo wa kwanza ukipigwa Azam Complex kati ya Oktoba 15-17, huku wa marudiano ukipigwa Oktoba 22-24, mwaka huu nchini Misri.
