Makamu Mwenyekiti wa Kamati ya Mashindano ya Young Africans, Eng Hersi Said amesema kuwa bado hawajamtambulisha mchezaji mmoja wa kimataifa Yannick Bangala kwa wanachama na mashabiki wa klabu hiyo.
Imekua utamaduni kwa klabu hiyo kuwatambulisha wachezaji kwa wanachama na mashabiki kupitia kurasa za mitanfao ya kijamii za Young Africans, katika kipindi hiki cha dirisha la usajili.
Bangala alikamilisha usajil wake ndani ya Young Africans mwishonj mwa juma lililopita, na picha zake zilivuja kwenye mitandao ya kijamii.
Hersi amesema Bangala atatambulishwa wakati wowote kuanzia leo Jumatano (Agosti 18), kama ilivyokua kwa wachezaji wengine waliomtangulia kusajiliwa Young Africans.
“Bangala atatambulishwa wakati wowote kuanzia leo Jumatano, mashabiki na wanachama wajiandae na hilo, kwa sababu wana haki ya kutambulishwa mchezaji wao.” amesema Hersi
Kuhusu Kiungo wa kimataifa wa Uganda Khalid Aucho, Hersi amesema kuwa atajiunga na kambi Morocco kesho Alhamisi (August 19).
Pia hivi karibuni kuelekea wiki ya Wananchi watazindua jezi mpya kwa ajili ya msimu ujao hizo ambazo wanatumia Morocco ni kwa ajili ya Pre-season tu.
