Klabu ya Chelsea imefikia makubaliano Binafsi na Mshambuliaji Kutoka nchini Ureno na Klabu ya Atletico Madrid Joao Felix.
Chelsea wamedhamiria kumsajili Mshambuliaji huyo mwenye umri wa miaka 23 kwa mkopo, wakiingilia Dili la Klabu za Arsenal na Manchester United zilizokuwa kwenye vita kwa zaidi ya majuma mawili yaliyopita.
Mshambuliaji huyo anatarajiwa kusafiri hadi jijini London baadae leo Jumanne (Januari 10) kwa ajili ya kufanyiwa vipimo vya Afya, kabla ya kukamilisha tararibu nyingine za kujiunga na The Blues.
Hata Hivyo Makubaliano kati ya Chelsea na Atletico Madrid, huenda yakatoa nafasi kwa Felix kusajiliwa jumla mwishoni mwa msimu huu, endapo ataonesha uwezo mkubwa kisoka akiwa jijini London.
Felix anatarajiwa kuondoka Atletico Madrid, baada ya kuweka Rekodi ya kuwa Mchezaji watano kusajiliwa kwa fedha nyingi klabuni hapo, akisajiliwa kwa Euro Milioni 113 akitokea Benfica ya Ureno, akiwa na umri wa miaka 19 mwaka 2019.
