Siku chache baada ya Klabu ya KMC FC kulianika hadharani Basi la Kisasa la Klabu hiyo, Geita Gold FC nao wamejibu kwa kutambulisha Basi jipya la Klabu hiyo ya Kanda ya Ziwa.
Geita Gold FC inayoshiriki Ligi Kuu kwa msimu watatu Mfululizo, imetambulisha Basi hilo leo Alhamis (Fefruari 23), kupitia Ukurasa wa Instagram wa klabu hiyo.
Hata hivyo rasmi Basi hilo limeanza kutumiwa na timu hiyo, kuelekea mkoani Lindi, tayari kwa mchezo wao wa Ligi Kuu Tanzania Bara dhidi ya Namungo FC.
Picha zilizowekwa kwenye ukurasa wa Instagram wa Geita Gold FC, zimeonesha Wachezaji na baadhi ya Maafisa wa Benchi la Ufundi wakiwa ndani ya Basi hiyo, kwa ajili ya safari.
