Katibu Mkuu wa Jumuiya ya Wanawake Tanzania – UWT, Jokate Mwegelo amekutana na Binti wa Kitanzania aliyefanya mitihani ya kidato cha nne mwaka 2023 huku akiwa ananyonyesha.
Mbali na Binti huyo mkazi wa maeneo ya Chamazi Magengeni , Jokate pia amekutana na Binti mwingine anayeishi maeneo ya Mbande wote wa Jijini Dar es salaam ambaye naye alifanya mitihani huku akiwa ananyonyesha Mtoto mwenye siku nane.
Jokate amesema, hatua za Wanafunzi hao kuruhusiwa kufanya mitihani huku wakiwa na Watoto ni uamuzi wa Rais wa Tanzania, Dkt. Samia Suluhu Hassan katika kuhakikisha kila Mwanafunzi anatimiza ndoto yake kupitia elimu.
Aidha, aliwataka pia Wazazi kuzingatia malezi bora ya Watoto, ili kuwaepusha na mimba za utotoni na kwamba ufundishaji wa maadili mema ni msingi katika kufanikisha makuzi na malezi ya mtoto katika safari yake kimaisha.
