Kiungo wa Mabingwa wa Soka nchini Ujerumani FC Bayern Munich Joshua Kimmich amesema kuwa anaamini kuwa watatetea taji la Ligi Kuu nchini humo msimu huu 2022/23.
FC Bayern Munich ndiyo mabingwa watetezi wa Bundesliga wakiwa katika vita kali na Borussia Dortmund wakipishana kwa alama moja pekee, katika kipindi hiki cha kuelekea ukingoni mwa Ligi Kuu nchini humo.
Katika msimamo wa Bundesliga, Bayern Munich wana alama 62 na Dortmund ina alama 61 na wakiwa wamecheza michezo sawa.
Vita inaonekana kuwa kali msimu huu kati ya Bayern na Dortmund katika kusaka ubingwa wa Bundesliga msimu huu.
Kimmich amesema kuwa anaamini msimu huu watakuwa na nafasi ya kutwaa ubingwa.
Hii ilikuwa baada ya Bayern Munich kuibuka na ushindi wa mabao 2-0 dhidi ya Hertha Berlin wakiwa ndani ya Allianz Arena Jumapili (Aprili 30).
“Kwa jinsi mambo yalivyo kwa sasa ninaamini kabisa kuwa tutakuwa mabingwa wa Ujerumani na Tunaendelea kupambana.” Amesema kiungo huyo
