Aliyekuwa Mshambuliaji wa Maafande wa Jeshi la Magereza ‘Tanzania Prisons’ Kassim Mdoe, amesajiliwa na Biashara United Mara ‘Wanajeshi wa Mpakani’.
Mdoe amekamilisha mpango wa usajili ndani ya klabu hiyo ya mjini Musoma mkoani Mara leo Jumanne (Agosti 10) majira ya jioni.
Taarifa iliyotolewa na Uongozi wa Biashara United Mara zimeeleza kuwa, Mshanbuliaji huyo amesaini mkataba wa miaka miwili, ambao utamuweka klabuni hapo hadi mwaka 2023.
Mdoe anakua mchezaji wanne kutambulishwa na klabu hiyo leo Jumanne (Agosti 10), akitanguliwa na Aniseth Revocatus kutoka Mwadui FC, Toyo Odongo Matthew kutoka Zoo United ya Kenya pamoja na Atupele Green.
Biashara United Mara inafanya usajili wa wachezaji kwa sasa, ili kukiboresha kikosi chao kwa ajili ya Ligi Kuu Tanzania Bara na Kombe la Shirikisho Barani Afrika msimu wa 2021/22.
