Kenya: Makamishna waungana na Odinga kukataa matokeo ya Urais

Makamishna wanne kati ya saba wa tume huru ya Uchaguzi na mipaka nchini Kenya IEBC, wamejitokeza mbele ya vyombo vya habari na kusema hawayatambui matokeo yaliyotangazwa jana na Mwenyekiti wao Chefula Wabukati.

Makamishna hao waliokuwa mbele ya vyombo vya Habari hii leo Agosti 16, 2022 wamesema upo mkanganyiko katika baadhi ya mahesabu na kudai kuwa kuna matokeo ambayo yalipokelewa na hayakujumlishwa.

“Hatutaki kushiriki hiyo dhambi maana kuna kura hazikujumlishwa na hizo kura zinawez kuleta tofauti au ushindi kwa yeyote na kutokana na sababu hizi hatutambui matokeo yaliyotangazwa na tume ya IEBC hapo jana,”

• Wanane wafariki katika ajali Mbeya

• Kenya: Raila akataa matokeo ya urais, asema hatakubali

Wamesema hakuna ambaye hajui hesabu kwani Chebukati alitangaza kuwa kuna mgombea amepata asilimia 100.2 ya kura kitu ambacho si sahihi na kinaleta mkanganyiko hivyo wameamua kujitokeza na kuelezea hisia zao ili umma utambue ni kwanini walijitenga.

Makamishna hao, ni Naibu mwenyekiti wa IEBC, Juliana Cherera, Makamishna Francis Wanderi, Irene Masit na Justus Nyang’aya ambao kwa pamoja walidai kuwa matokeo ya mwisho yalifikiwa kwa njia isiyoeleweka, bila kutoa maelezo zaidi.

• Uingereza yaidhinisha chanjo ya Uviko-19 ya lahaja mbili