Aliyekuwa Waziri wa Mambo ya Nje, Bernard Membe amechukua fomu ya kugombea urais wa Tanzania kupitia chama cha ACT-Wazalendo katik Uchaguzi Mkuu utakaofanyika Oktoba, 2020.
Membe amewasili mapema kwenye ofisi ya Tume ya Taifa ya Uchaguzi (NEC) jijini Dodoma akisindikizwa na Mwenyekiti wa Chama cha ACT-Wazalendo, Maalim Seif Sharif Hamad.
Mwanasiasa huyo mzoefu, alijiunga na Chama cha ACT-Wazalendo miezi michache baada ya Chama Cha Mapinduzi kutangaza kuwa kimemfukuza uanachama kwa utovu wa nidhamu.
