Vinara wa ligi kuu ya soka nchini England Manchester United wameanza vyema michuano ya ligi ya mabingwa barani Ulaya kwa kuibanjua FC Basel mabao matatu kwa sifuri.
Mchezo huo wa kwanza wa kundi A ulichezwa usiku wa kuamkia hii leo kwenye uwanja wa Old Trafford. Bao la kwanza lilifungwa na Maroanne Fellaini ambaye alichukua nafasi ya Paul Pogba aliyepata majaraha.
Mshambuliaji Marcus Rashford ambaye alin’gara katika michuano ya Kombe la Europa msimu uliopita, ameanza msimu mpya wa michuano ya ligi ya mabingwa barani Ulaya kwa kufunga bao la tatu akitanguliwa na Romelu Lukaku aliyefunga bao la pili.
Mchezo mwingine wa Kundi A ulikuwa kati ya Benfica ya Ureno na CSKA Moscow ya Urusi, ambayo iliibuka na ushindi wa mabao mawili kwa moja.
Mabingwa wa England Chelsea nao walianza michuano hiyo kwa kutoa kisago cha nguvu baada ya kuichapa FC Qarabag mabao sita kwa sifuri.
Mabao ya Chelsea yalifungwa na Pedro dakika ya 05, Zappacosta dakika ya 30, Azpilicueta dakika ya 55, Bakayoko dakika ya 71, Batshuayi dakika ya 76 na 82.
Kwingineko Paris Saint- Germain waliizabua Celtic mabao matano kwa sifuri ambayo yalifungwa na washambuliaji Neymar, Kylian Mbappe na Edinson.
Katika mchezo wa kundi B. Bayern Munich pia walipata ushindi wa mabao matatu kwa sifuri dhidi ya Anderlecht.
FC Barcelona nao wameanza vizuri kwa kuwachapa mabingwa wa Italia Juventus mabao matatu kwa sifuri 3-0, Messi akifunga mabao mawili na Ivan Rakitic la tatu.
Sporting Lisbon wakicheza ugenini walipata ushindi wa matatu kwa mawili dhidi ya Olympiakos. Mchezo pekee uliomalizika bila magoli ulikuwa kati ya AS Roma dhidi ya Atletico Madrid.
Leo michuano hiyo inaendelea tena ambapo.
Kundi E
Liverpool Vs Sevilla
NK Maribor Vs Spartak Moscow
Kundi F
Feyenoord Vs Manchester City
Shaktar Donetsk Vs Napoli
Kundi G
FC Porto Vs Besiktas
RB Leipzig Vs AS Monaco
Kundi H
Real Madrid Vs Apoel Nicosia
Tottenham Hotspur Vs Borussia Dortmund
