Uongozi wa Real Madrid umethibitisha kuwa Beki na Nahodha wa kikosi chao Nacho Fernandez amesaini mkataba mpya wa mwaka mmoja katika klabu hiyo.
Beki huyo mwenye umri wa miaka 33 alitangaza mapema mwezi huu kwamba ameamua kukubali ofa ya Madrid ya kumpa mkataba mpya, baada ya hapo awali kufikiria kuondoka katika klabu hiyo ili kutafuta nafasi zaidi ya kucheza.
Taarifa ya klabu imeeleza kuwa siku ya Alhamisi: “Real Madrid na Nacho Fernandez wamekubali kuongeza mkataba wa nahodha wetu, na kumfanya ajiunge na klabu hadi Juni 30, 2024.
“Nacho ameiwakilisha Real Madrid kwa miaka 22, tangu ajiunge na akademi ya vijana chini ya umri wa miaka 11 mnamo 2001.
“Amecheza mechi 319 katika kikosi cha kwanza cha Real Madrid, akishinda mataji 23, Mataji matatu ya Ulaya, matano ya Ligi ya mabingwa Ulaya, matatu ya Uropa, matatu ya LaLiga, mawili ya Copas del Rey na manne ya Super Cup.”
Mchezaji huyo wa kimataifa wa Hispania amechukua nafasi ya Nahodha wa klabu tangu kuondoka kwa Karim Benzema mapema mwezi huu.
“Siku zote kuna ofa kutoka mahali pengine, lakini nimeamua kubaki kwa mwaka mmoja zaidi,”amesema Nacho akiiambia TVE Juni 11. “Nina furaha sana na nina furaha ya kukaa.”
Beki huyo mwenye uwezo mkubwa, ambaye nafasi yake anaipenda zaidi ni beki wa kati lakini pia anaweza kucheza kama beki wa pembeni kila upande, amewaacha Eder Militao, David Alaba na Antonio Rudiger miongoni mwa chaguzi za kocha Carlo Ancelotti katika safu ya ulinzi ya kati.
Nacho alicheza mechi 27 za LaLiga msimu uliopita, akianzia 18 kati ya hizo, lakini alizidi kuwa muhimu katika kipindi cha kampeni jambo ambalo lilimshawishi kuendelea Bernabeu.
