Usiku wa kuamkia leo, Rais Mstaafu wa awamu ya nne Jamhuri ya Muungano wa Tanzania, Dkt. Jakaya Mrisho Kikwete katika uzinduzi wa programu inayohusu marais wastaafu wa nchi za Afrika ametunikiwa tuzo ya ”Afrika House Presidential Award”.
Hafla hiyo imefanyika nchini Marekani Jijini New York ambapo Rais ameshukuru na kujivunia kwa kutunukiwa tuzo hiyo hivyo amesema ni ya watanzania wote wanaopenda kumuunga mkono.
Aidha Rais mstaafu JK ameanza mchakato wa uandishi wa kitabu chake kitakachozungumzia maisha na uzoefu wake wa miaka 40 ya uongozi na utumishi wa umma.
