Mabingwa wa Soka nchini Ufaransa Paris Saint-GerMmain (PSG), wameripotiwa kuandaa orodha ya wachezaji wa Real Madrid ili kuwasajili na kulipiza kisasi cha klabu hiyo ya Hispania.
Real Madrid ilipanga kuibomoa PSG wakati wa usajili wa majira ya Kingazi msimu huu 2023/24 kwa kumsajili Mbappe, lakini zoezi hilo lilishindikana na Mshambuliaji huyo ameendelea kusalia katika viunga vya jiji la Paris.
Kwa mujibu wa taarifa kutoka jijini Paris, PSG kupitia kwa Rais wake Nasser A-Khelaifi imedhamiria kuwasajili wachezaji watano kutoka kwa miamba hiyo ya jijini Madrid-Hispania.
Wachezaji wanaoatajwa kuwidwa na PSG mwishoni mwa msimu huu ni Vinicius Jr, Rodrygo, Aurelien Tchouameni, Eduardo Camavinga na Federico Valverde.
Hata hivyo kikwazo kikubwa katika mpango huo ni vifungu vikubwa vya kuachiwa kwa wachezaji hao, ambavyo klabu za Hispania zimekuwa zikiwawekea wachezaji wao wenye vipaji vikubwa.
Vinicius Jr ameripotiwa kusaini mkataba mpya majira ya kiangazi wenye kifungu cha kuachiwa cha Pauni Milioni 860 sawa na shilingi Trilioni 2.6 na Madrid mara chache hupoteza wachezaji wenye vipaji kwenda klabu nyingine.
