Kiongozi wa mageuzi ambaye alisimamia mwisho wa Muungano wa Sovieti, na Rais wa zamani wa shirikisho la Urusi Mikhail Gorbachev amefariki akiwa na umri wa miaka 91.
Kupanda kwake madarakani kulianzisha mfululizo wa mabadiliko ya kimapinduzi ambayo yalisababisha kuvunjika kwa Muungano wa Kisovieti na kumalizika kwa Vita Baridi.
Ni viongozi wachache katika karne ya 20, kwa kweli katika karne yoyote, wamekuwa na matokeo makubwa kama haya kwa wakati wao na alisifika kama shujaa wa mageuzi nje ya Taifa lake.
Kupitia hotuba zake, Gorbachev alikuwa akiahidi kutoa uwazi zaidi wakati alipokuwa akitekeleza sera yake ya perestroika na kuunda upya jamii ya nchi yake na uchumi unaoyumba.
Ingawa haikuwa nia yake kufilisi ufalme wa Sovieti, Gorbachev bado aliongoza kwa muda wa miezi mitano isiyo ya kawaida mwaka wa 1989 wakati mfumo wa Kikomunisti ulipoingia kutoka Baltiki hadi Balkan.
Mikhail Gorbachev, alizaliwa Machi 2, 1931 mjini Misha Urusi na alikuwa kiongozi wa 9 na wa mwisho wa Muungano wa Soviet ukijulikana kama USSR, akiwa ameaga dunia jijini Moscow baada ya kuugua kwa muda mrefu.
