Hatimaye Uongozi wa Mabingwa wa Soka Tanzania Bara Simba SC umewatuliza Mashabiki na Wanachama wake kwa kuweka kiashiria cha uwepo wa Tamasha la Simba Day 2021.
Asubuhi ya leo Alhamisi (Agosti 26) Simba SC wameweka kiashiria hicho kwenye kurasa zao za mitandao ya kijamii.
Kabla ya kiashiria hicho, Mashabiki na Wanachama wa Simba SC walikua katika ‘SINTOFAHAMU’ ya uwepo wa Tamasha la Simba Day 2021.
Maandalizi ya kuelekea Tamasha la Siku ya Mwananchi ambalo linaandaliwa na Young Africans, ndio yalikua yanawapa Presha Mashabiki na Wanachama wa Msimbazi, kufuatia ukimya uliokua umetawala kwa viongozi wao.
Hata hivyo Uongozi wa Simba SC unatarajiwa kutoa taarifa za kina kuelekea Tamasha la Simba Day ambalo bado tarehe ya kufanyika kwake haijatajwa.
