Kocha Msaidizi wa Singida Fountain Gate FC, Thambo Senong amesenma kikosi chake kina matumaini makubwa ya kutinga hatua ya makundi ya mashindano ya Kombe la Shirikisho Barani Afrika.
Singida Fountain Gate FC itashuka dimbani ugenini keshokutwa Jumapili (Oktoba Mosi) ikiwa na kumbukumbu ya ushindi wa bao 1-0 dhidi ya wenyeji Future FC katka mechi ya marudiano ya michuano hiyo ya kimataifa.
Thenong amesema amewataka wachezaji kusahau matokeo ya mechi ya kwanza na kuingia uwanjani wakiwa na akili mpya ili kufikia malengo yao ya kufuzu hatua ya makundi.
Kocha huyo amesema licha ya kuwa na faida ya bao 1-0 walilopata nyumbani lakini amewasisitiza wachezaji wake kuingia kuongeza umakini katika mchezo huo kwa sababu wenyeji pia watapambana kusaka matokeo mazuri.
Amesema mbali na kuwaona walipocheza nao mechi ya kwanza bado anaendelea kuwafuatilia kwa kutizama mchezo wao wa Ligi Kuu ya Misri, ambao Future ilipata ushindi wa mabao 2-1 dhidi ya El Dakhleg.
“Tumefika salama Misri na tunaendelea na maandalizi dhidi ya Future FC, tumeongea na wachezaji wetu na kuwaeleza tuna kazi kubwa ya kupata matokeo chanya kwenye mechi ya marudiano.
“Tunaanza upya kusaka matokeo, safu ya ushambuliaji iko imara na kufanyia kazi madhaifu yaliyojitokeza mechi zilizopita,” amesema
