Kikosi cha Maafande wa Jeshi la Magereza, Tanzania Prisons, kinaendelea na mazoezi kwenye uwanja wake uliopo katika Gereza la Ruanda jijini Mbeya.
Prisons ambao wamekuwa na kiwango kizuri hivi karibuni, wanajiandaa kuwakabili watoza kodi wa Jiji la Dar es salaam, KMC FC katika mchezo wa Mzunguuko wa 29 wa Ligi Kuu Tanzania Bara, utakaopigwa Juni 06.
Akizungumzia maandalizi ya timu yake, kocha msaidizi wa kikosi cha Tanzania Prisons, Shaban Mtupa, amesema maandalizi yanaendelea vema na wamejipanga kuhakikisha wanashinda michezo yao iliyosalia.
“Tunaendelea vema na maandalizi yetu, tuna imani tutafanya vizuri kwenye michezo miwili iliyosalia kwenye ligi msimu huu,” amesema.
Tanzania Prisons mpaka sasa wamefanikiwa kujikusanyia alama 33 baada ya kucheza michezo 28.
