Rekodi za Dunia zinaonesha kushuka kwa thamani ya Pauni kwa zaidi ya asilimia 20 kwa mwaka huu wa 2022, na kufikia kiwango cha chini karibu na usawa wa dola, ambapo £ 1 ni sawa na thamani ya $ 1.03 huku sababu ya haraka ya uporomokaji huo ukiwa ni tangazo la mpango wa matumizi na ushuru na serikali mpya ya kihafidhina ya Uingereza.
Hisia za mgogoro, ziliongezeka wakati Benki ya Uingereza ikionya juu ya hatari ya nyenzo kwa utulivu wa kifedha wa Uingereza kutoka kwa mpango wa serikali, na kusema itaanza kununua dhamana za serikali ya Uingereza kwa kiwango chochote kinachohitajika ili kukomesha uwezekano wa kuongezeka kwa pengo la tatizo hilo nchini Uingereza.
Hata hivyo, wataalam wanasema safari ya pauni inaonyesha kupungua kutokana na ushawishi wa kiuchumi na kisiasa ambao uliongezeka wakati Uingereza ilipopiga kura ya kujiondoka E.U. mwaka 2016, ikiwa na uchumi unaofanya vibaya zaidi, kando na Urusi katika O.E.C.D yenye wanachama 38.
Hata hivyo wachambuzi wa mambo ya kiuchumi wanasema, hilo ni suala linalohitaji muda kabla halijatoka katika mataifa 10 ya juu ya uchumi duniani, ambapo Profesa wa utandawazi na maendeleo katika Chuo Kikuu cha Oxford, Ian Goldin akisema kwa sasa Uingereza inashika nafasi ya sita, ikizidiwa na India.
