Aliyewahi kuwa Meneja wa kikosi cha Manchester United, Louis van Gaal, amemuonya Erikten Hag dhidi ya kuchukua mikoba ya kuliongoza Benchi la Ufundi la klabu hiyo kuanzi msimu ujao 2022/23.
Erikten Hag ambaye kwa sasa ni Meneja wa kikosi cha Ajax Amsterdam ya Uholanzi, anahusishwa na mpango wa kupewa ajira Manchester United, kuchukua nafasi ya Ralf Rangnick atakayeondoka mwishoni mwa msimu huu.
Van Gaal haamini kama Ten Hag atafanikiwa kukiongoza vyema kikosi cha Man Utd kama inavyotarajiwa na wengi, kutokana na mazingira ya klabu hiyo ambayo inaendelea kusaka taji la England.
Van Gaal amesema: “Nadhani Ten Hag ni kocha mzuri; nilisema hivyo mara nyingi,”
“Kocha mkubwa ni mzuri kwa Man United. Lakini Man United ni klabu ya kibiashara.
“Hayo ni maamuzi magumu kwa kocha. Kama kocha, unapaswa kupendelea klabu ya soka.
“Sitaandamana na kazi yake. Akitaka hivyo atanipigia simu, tunazungumza sisi kwa sisi.
“Anapaswa kuchagua klabu ya soka, si klabu ya kibiashara.”
Van Gaal alikuwa mkosoaji mkubwa wa shughuli za kibiashara za United wakati alipokuwa na klabu hiyo, akisikitikia madhara ya kimwili ya ziara ya kujiandaa na msimu mpya katika msimu wake wa kwanza wa majira ya joto mwaka 2014.
Ten Hag ameshinda michezo 153 kati ya 207 akiinoa Ajax katika mashindano yote, lakini mwezi uliopita alitolewa kwenye Ligi ya Mabingwa Barani Ulaya na Benfica ya Ureno.
