Watu wa familia moja wafariki dunia kwa kula sumu waliodhani ni chumvi

Watu 24 wa familia moja nchini Nigeria wamefariki baada ya kula chakula kinachoshukiwa kuwa na sumu, tukio hilo limetokea katika kijiji cha Danzanke jimbo la Sokoto, kaskazini magharibi mwa Nigeria

Kamishna wa Afya Ali Inname, amesema kuwa familia hiyo ilitumia kimakosa kemikali ya mbolea inayotambulika kwa jina la Gishirin Lalle  ambayo ilionekana kama chumvi wakati wa kuandaa chakula.

• Bahasha yenye risasi 3 yatumwa kwa papa francis Vatican

Hata hivyo taarifa zinasema kuwa watu wawili wa familia hiyo ambao walionja chakula hicho wanaendelea kupatiwa matibabu Hospitalini.

Kufuatia tukio hilo, maafisa wa afya wameshauri watu kuweka vitu vyenye sumu mbali na maghala yao ya chakula kwa sababu za usalama.

• Tanzania nchi ya 22 kusaini mkataba wa uanzishwaji taasisi uthibiti wa dawa AU
• Meneja afafanua uhalali wa Tuisila Kisinda