Meneja wa Bayern Leverkusen na gwiji wa zamani wa Real Madrid, Liverpool na Bayern Munich, Xabi Alonso, anatajwa kuwindwa na mabingwa wa Soka nchini Ufaransa, PSG ili akakinowe kikosi chao.
Alonso amekua akifanya kazi iliyotukuka ndani ya Bayern Leverkusen tangu amekabidhiwa timu hiyo katikati ya msimu huu.
Hivyo kutokana na kiwango kikubwa ambacho amekionyesha, PSG imevutiwa na gwiji huyo na kuhitaji aifundishe klabu hiyo ka- tika msimu ujao.
PSG inaripotiwa ipo kwenye mpango wa kuachana na Meneja wake wa sasa Christopher Galtier, mwishoni mwa msimu huu, huku orodha ya majina ambayo yanatajwa kuwaniwa na klabu hiyo ni pamoja na Alonso.
Alonso tangu atue Bayern Leverkusen amekua na uwezo mkubwa sana na kuibadilisha klabu hiyo yenye kutoa ushindani mkubwa kwenye Ligi Kuu Ujerumani.
Pia alifanikiwa kuifikisha timu hiyo hatua ya Nusu Fainali ya Kombe la Ligi ya Europa.
