Mabingwa wa soka Tanzania Bara Young Africans, leo jioni watacheza mchezo wa kirafiki dhidi ya Geita Gold kwenye Uwanja wa shule ya Msingi Waja, mkoani Geita.
Kikosi cha Young Africans kiliwasili mkoani Geita jana Jumatatu kikitokea mkoani Mwanza ambapo juzi Jumapili kilitupwa nje ya michuano ya Kombe la Shirikisho la Soka Tanzania (TFF), maarufu kama Azam Sports Federation Cup (ASFC) kwa kufungwa bao 1-0 na Mbao FC katika mchezo wa nusu fainali uliochezwa kwenye uwanja wa CCM Kirumba.
Young Africans itarejea Mwanza siku ya Al-khamis ya juma hili na kwa ajili ya kuchukua usafiri wa ndege na kurudi jijini Dar es Salaam, ambapo Mei 06 itacheza na Tanzania Prisons katika mchezo wa kiporo wa Ligi Kuu bara.
