Klabu ya Young Africans imekamilisha Usajili wa Mshambuliaji, Yusuph Athuman, kutoka Klabu ya Biashara United Mara FC.
Young Africans wamethibitisha kumsajili mshambuliaji huyo mzawa leo mchana na kuweka taarifa zake kwenye kurasa zao za mitandao ya kijamii.
Yusuph Athuman amewahi kuchezea Mbao FC kabla ya kutua Biashara United Mara pia amewahi kusajiliwa Namungo FC.
Msimu wa 2020/21 uliomalizika mwezi Julai ulishuhudia Mshambuliaji huyo akionesha uwezo mkubwa wa kisoka na kuifungia mabao Biashara United Mara, iliyomaliza nafasi ya nne kwenye msimamo wa Ligi Kuu Tanzania Bara.
Ikumbukwe Athuman ni zao la Young Africans kwenye kikosi cha Kina Yusuf Mhilu Mwaka 2015, hivyo usajili wake klabuni hapo ni kama amerudi nyumbani.
