Mtu mmoja aliyejulikana kwa jina la Nasibu Omar Hafidhi mwenye umri wa miaka 35 mkaazi wa Michamvi amefariki dunia baada ya kuzama baharini wakati akiogelea kwa kutumia sport honda ya baharini.
Akithibitisha kutokea kwa tukio hilo kamanda wa polisi mkoa wa Kusini Unguja Suleiman Hassan Suleiman amesema tukio hilo la kuzama kwa marehemu huyo limetokea tarehe 17 ya mwezi huu majira ya saa 12 jioni huko bahari ya Michamvi.
Aidha kamanda Suleiman ametoa wito kwa jamii na wale wanaocheza michezo hiyo ya baharini kuwa makini na michezo yao na kuchukua uangalizi kwa wale ambao bado hawajaifahamu vizuri michezo hiyo.
Mwili wa marehemu umefanyiwa uchunguzi katika hospitali kuu ya Cottege Makunduchi na daktari bigwa na kukabidhiwa jamaa zake kwaajili ya mazishi.
