Afarah Suleiman, Babati – Manyara.
Mkuu wa Mkoa Manyara, Queen Sendiga amekabidhi Pikipiki 66 kwa watoa huduma ya Maji wa Wilaya zote tano za Mkoa wa Manyara, ili kurahisisha utendaji kazi kwa Watumishi hao.
Akizungumza baada ya kukabidhi Pikipiki hizo, Sendiga amewataka Watumishi hao kuzitunza kwani ni Mali ya Serikali huku akiwapongeza Wakala wa Maji na Usafi wa Mazingira Vijijini – RUWASA, Mkoa wa Manyara kwa kazi kubwa wanayoendelea kuifanya.
Kwa upande wake Meneja wa RUWASA Mkoa wa Manyara, Injinia Wolter Kilter amesema lengo la Watumishi hao kupewa Pikipiki ni kuhakikisha Wananchi wanapata huduma ya maji kwa uharaka na kurahisiaha utendaji wa majumu mengine ya kimaendeleo.
Naye Mkuu wa Wilaya ya Kiteto, Remidius Mwema amesema atasimamia na kufatilia kama watumishi waliokabidhiwa Pikipiki hizo wanafanya kazi kama ilivyokusudia.
