Mkurugenzi wa Michezo wa FC Barcelona, Deco, amekanusha uwezekano wa klabu hiyo kumuuza Frenkie de Jong au Ronald Araujo katika dirisha la usajili la majira ya joto.
De Jong kwa muda mrefu amekuwa akihusishwa kuuzwa, huku uvumi wa hivi majuzi zaidi ukiegemea juu ya madai ya Paris Saint-Germain kumtaka.
Araujo amekuwa akilengwa na Bayern Munich katika miezi ya hivi karibuni, na pia kuhusishwa na Manchester United.
“Hakuna kitakachofanyika,” alisema Deco akiiambia Movistar alipoulizwa kuhusu wawili hao.
“Wana mkataba na tunataka kuweka ubora zaidi. Na ni bora zaidi. Ni wachezaji ambao wamepata haki ya kuwa Barca na wamepata heshima ya mashabiki na klabu. Tunataka kuendelea kuwategemea.”
Araujo ameongeza muda wake 2022 kwa mkataba wake wa sasa ambao utaendelea hadi 2026, pamoja na kifungu cha kuuzwa cha euro bilioni moja. Mkataba wa De Jong pia unamalizika 2026.
Deco ameripotiwa kukutana na mchezaji huyo na wakala wake ili kuwahakikishia kuwa Barca hawako nyuma ya uvumi unaodaiwa kwamba hana furaha.
Maofisa wa Barca wamelazimika kufanya kwa bidii zaidi katika miaka ya hivi karibuni ili kuirejesha klabu hiyo kutoka kwenye ukingo wa kusahaulika kifedha.
Mikataba imepunguzwa mara kwa mara na wachezaji wengi kuuzwa ili kupunguza gharama.
Dili lilikubaliwa hata kumuuza De Jong kwenda Manchester United msimu wa majira ya joto wa 2022 hadi mchezaji huyo alikataa na uhamisho huo ukashindikana.
Lakini Rais Joan Laporta alidai mapema mwezi huu kwamba mwanga unaonekana mwishoni mwa handaki hilo.
“Ikiwa tutafikia bajeti, zama za giza zaidi katika historia ya FC Barcelona zitaisha,” alisema.
“Bajeti inazalisha ziada bila kuuza mali. Klabu imekuwa ikifanya kazi nzuri hapa.
Gharama na deni zimepungua kwa zaidi ya miaka miwili. Hii imetokana na mauzo makubwa yaliyotokana na kupunguza mishahara ya michezo.”
