Habari ya hivi punde kutoka Uturuki ni kuhusu uhamisho wa Mshambuliaji mwenye sifa za utukutu Super Mario Balotelli ambaye amejiunga na klabu ya Adana Demispro inayoshiriki Ligi Kuu ya nchi hiyo.
Balotelli amesaini mkataba wa miaka mitatu kuitumikia klabu hiyo chini ya Wakala wake Mino Raiola.
Mshanbuliaji huyo ambaye aliwahi kuwika na klabu za Inter Milan, AC Milan na Man City ametimkia Uturuki akitokea klabu ya Monza inayoshiriki Ligi Daraja la pili nchini Italia.
Tayari Balotelli ameshatangaza hadharani kuwa, ataitumia nafasi ya kucheza soka nchini Uturuki ili aweze kurudi kwenye kikosi cha Italia, ambacho kitashiriki Fainali za Kombe la Dunia mwaka 2022 nchini Qatar.
