Klabu ya PSG imemtambulisha rasmi beki wa kati kutoka nchini Hispania Sergio Ramos, baada ya kukamilisha taratibu za usajili wake.
Ramos amejiunga na PSG, akitokea kwa manguli wa soka nchini Hispania Real Madrid, ambapo ameitumikia klabu hiyo kwa zaidi ya miaka 10, (2005-2021).
Beki huyo mwenye umri wa miaka 35, amesaini mkataba wa miaka miwili kuitumikia PSG, ambao utafikia kikomo mwaka 2023.
Ramos ameondoka Real Madrid, kufuatia mkataba wake kufikia kikomo, huku akienguliwa kwenye mipango ya benchi la ufundi litakaloongozwa na Meneja kutoka Italia Carlo Ancelotti msimu ujao 2021/22.
