Waziri Mkuu, Kassim Majaliwa amesema Rais Dkt. Samia Suluhu Hassan amewaomba watanzania kumuombea na kuenzi yote mazuri aliyowahi kufanya marehemu Bernard Membe enzi za uhai wake.
Majaliwa ameyasema hayo alipomuwakilisha Rais Dkt. Samia katika ibada ya mazishi ya Marehemu Membe iliyofanyika kijijini cha Chiponda, kilichopo Rondo Mkoani Lindi
Amesema, “Watanzania, Wanalindi na hapa Rondo, Mheshimiwa Rais Samia amewataka muenzi yale yote mema aliyotenda wakati wa uhai wake, lakini pia endeleeni kumuombea ili mwenyezi Mungu amlaze mahali pema.”
Ameongeza kuwa, Rais Dkt Samia amesema kifo cha Bernard Membe kimewaacha watanzania na Wana-Lindi na butwaa, simanzi na huzuni,huku akitoa pole kwa wote walioguswa na msiba huu ndani na nje ya nchi.
Marehemu Membe atakumbukwa kwa mengi na watanzania na jumuiya za kimataifa kutokana na utumishi wake uliotukuka katika nafasi mbalimbali alizohudumu wakati wa uhai wake na kuwataka wana-Rondo kumuezi kwa kutunza yale yote aliyoyaanzisha na kuyasimamia.
