Wakala wa Mabasi yaendayo haraka -DART, uumewaarifu watumiaji wa mabasi ya mfumo wa DART kuwa hii leo Aprili 23, 2024 kuwa barabara ya Jangwani imefungwa kutokana na mafuriko.
Kwa mujibu wa taarifa iliyotolewa na Kitengo cha Mawasiliano na Uhusiano kwa Umma wa Wakala huo, imeeleza kuwa Mabasi kwa njia za Kimara hadi Kivukoni na Gerezani yatalazimika kuishia Magomeni Mapipa.
Aidha, huduma ya usafiri wa Mabasi ya DART inaendelea kutolewa kwa njia ya Morocco kwenda Kimara na eneo la katikati ya jiji kwa njia ya Muhimbili na Gerezani.
Hata hivyo, huduma za Mabasi katika mfumo wa DART zinaendelea kama kawaida katika Njia Mlishi ya Kimara hadi Mbezi, Kimara hadi Kibaha, na Kimara hadi Mloganzila.
