Mshambuliaji wa zamani wa Young Africans Boniface Ambani amempa ushauri wa bure Mlinda Lango wa klabu hiyo Farook Shikalo.
Ambani ambaye aliitumikia Young Africans kwa mafanikio makubwa akitokea nchini Kenya, amesema Shikalo bado ana kiwango bora cha kulinda lango, lakini anapaswa kuongeza juhudi ili abaki kuwa chaguo la kwanza.
“Nimeona ile mechi ya watani wa jadi siku ya Jumamosi (Julai 03) pale Kwa mkapa, SHIKHALO alikuwa katika kiwango Bora sana anastahili kupongezwa.”
“Ila ni wakati wake sasa kuamka kuhakikisha anapambana na kuthibitisha uwezo wake sio kuvimba kichwaa au kulewa sifa, bado anasafari ndefu sana katika maisha ya soka.” amesema Boniface Ambani
Shikalo ambaye kwa kipindi kirefu alikua hapati nafasi ya kuanza kwenye kikosi cha Young Africans, amepata nafasi hiyo baada ya kusimamishwa kwa Metacha Mnata.
