Mabingwa wa Soka nchini Uganda Vipers SC wamemtangaza Roberto Luiz Bianchi Pelliser ‘Beto Bianchi’ kuwa Kocha Mkuu wa Klabu hiyo akichukua nafasi ya Roberto Oliveira Gonçalves do Carmo ‘Robertinho’.
Imeichukua Klabu ya Vipers SC majuma mawili Kumtangazwa kocha mpya, baada ya kuondoka kwa Kocha ‘Robertinho’ aliyeibukia Simba SC ya Tanzania.
ipers SC imemtambulisha Kocha huyo kutoka nchini Brazil, ambaye atakuwa Klabuni hapo kwa mkataba wa miaka miwili, huku kazi kubwa itakayomkabili ni kutetea Ubingwa wa Uganda na kukivusha kikosi chake kwenye hatua ya Makundi Ligi ya Mabingwa Barani Afrika.
Katika Hatua ya Makundi Ligi ya Mabingwa Barani Afrika Vipers SC imepangwa Kundi C sambamba na Klabu za Simba SC ya Tanzania, AC Horoya ya Guinea pamoja na Raja Casablanca ya Morocco.
Beto Bianchi amewahi kufanya kazi nchini Angola akiwa na klabu za Petro de Luanda (2016–2019) na Interclube (2021), pia amewahi kuwa Kocha Mkuu wa Timu ya Taifa ya nchi hiyo ‘Palancas Negras’ mwaka 2017.
