Hatima ya Klabu ya Manchester United kucheza michuano ya ligi ya mabingwa barani ulaya inatarajiwa kujulikana leo katika fainali ya Europa inayowakutanisha Manchester United na Ajax Amstedam ya Uholanzi,
Katika mchezo huo wa fainali ndio utakao amua hatima ya Manchester United kucheza UEFA ama la kwakuwa utakuwa ni wa historia kubwa katika mashindano hayo.
Mchezo huu wa fainali utachezwa katika dimba la Friends mjini Stockholm Sweeden, kuanzia saa nne kasoro robo kwa saa za Afrika mashariki na mwamuzi wa mchezo huo atakua Damir Skomina raia wa Slovenia.
Mchezo huu ni muhimu zaidi kwa Manchester United ambao wamemaliza ligi katika nafasi ya sita katika ligi ya England, hivyo kama watashinda licha ya kutwaa kombe watapata tiketi ya kucheza michuano ya klabu bingwa ulaya msimu ujao.
Ajax tayari wana nafasi ya kucheza klabu bingwa ulaya msimu ujao kwa kuwa wamemaliza ligi ya kwao nchini Uholanzi wakiwa katika nafasi ya pili.
