Baada ya kuchezea kisago cha 1-0 kutoka kwa Leicester City, Meneja wa Majogoo wa jiji ‘Liverpool’ Jurgen Klopp amesema katu hawawezi kujilaumu kwa kupoteza alama tatu muhimu za mchezo huo.
Liverpool ilipoteza mchezo huo ugenini, ilipoteza kwa bao la dakika 59 lililofungwa na Ademola Lookman, huku Mohamed Salah akikosa Penati na Sadio Mane alipoteza nafasi nzuri ya kufunga.
Klopp amezungumza na Amazon Prime na kueleza: “Kwa hakika Leicester walistahili ushindi,”
“Ulikuwa mchezo mgumu. Hatukuwa kwenye ubora wetu, hata kama tulikuwa na nafasi ya kutosha.”
“Kile tulichofanya tukiwa na mpira hakikuwa sawa. Tulicheza mchezo mbaya, hivyo tulistahili kufungwa.
“Maamuzi yetu yalikuwa ya hovyo, pengine tulikosa nafasi na hivyo ndivyo ilivyokuwa. Tulitakiwa kuwa na nafasi zaidi.
“Nafikiri tulianza vizuri, halafu tukamaliza kwa kucheza vibaya. Kuanzia hapo hatukuwa kwenye ubora wetu.
Liverpool ambao wamefunga mara mbili katika michezo 28 ya mashindano yote msimu huu, wanaendelea kuwa na alama 41 zinazowaweka katika nafasi ya tatu kwenye msimamo wa Ligi Kuu ya England.
Wakati Liverpool wakipoteza mchezo, Ligi Kuu ya England iliendelea tena usiku wa kuamkia leo:
Chelsea 1-1 Brighton & Hove Albion
Brentford 0-1 Manchester City
