Klabu ya Manchester United, inaamini inaweza kumshawishi kiungo wa West Ham United, Declan Rice kutua kikosini hapo, licha ya Arsenal na Chelsea kumpigia hesabu nyota huyo.
West Ham United huenda wakafanya uamuzi wa kumuuza kiungo huyo kipindi kijacho cha usajili wa majira ya joto.
Kiungo huyo kwa sasa anaonekana kuwa lulu kuelekea majira ya joto, huku timu yake ikipambana kutoshuka daraja ndani ya Premier.
Man United wanapambana kuona wanapata saini ya kiungo huyo japo watapata upinzani mkubwa kutoka kwa Arsenal na Chelsea.
Arsenal ndiyo wanapewa nafasi kubwa ya kumsajili kiungo huyo kutokana na kuwa tayari wana tiketi ya kucheza michuano ya Ligi ya Mabingwa Ulaya msimu ujao. Lakini pia Chelsea wanataka kumrejesha Rice ambaye alikuwa hapo kutengeneza kombineshini na Enzo Fernandez.
Hata hivyo, imeelezwa kuwa, Rice hatapatikana kwa bei rahisi kutokana West Ham United kutaja dau lake kufikia Pauni 120.
