Kupitia ukurasa wake wa Mtandao wa Facebook, Mkuu wa Wilaya ya Njombe, Kissa Kasongwa amempa pole Mkurugenzi wa Halmshauri ya Wilaya ya Njombe, Kuruthum Sadick kwa ajali aliyoipata majira ya mchana Novemba 29, 2023.
Katika taarifa yake hiyo, DC Kissa amesema anamshukuru Mungu kwamba abiria wote waliokuwemo wakati ajali hiyo ikitokea wametoka salama.
Amesema, “nachukua fursa hii kumpa pole sana Mkurugenzi wa Halmshauri ya Wilaya ya Njombe kwa ajali aliyoipata Jana majira ya mchana.”
Aidha, andiko hilo la DC pia limeedekea kueleza, “Tunamshukuru Mungu kwamba abiria wote wametoka salama. Sifa na Utukufu ni kwa Mungu aliyetuumba. Ndani ya gari walikuemo watumishi ikiwemo DED mwenyewe. Mungu wetu ni muaminifu ameepusha madhara,” ameandika Mkuu huyo wa Wilaya.”
