Imefahamika kuwa Mshambuliaji na Nahodha wa Kikosi cha Timu ya Taifa ya Ureno Cristiano Ronaldo anatakiwa na Klabu yake ya zamani ya Real Madrid licha ya kujiunga na Al-Nassr miezi michache iliyopita.
Ronaldo alijiunga na Al-Nassr Desemba 2022, baada ya kuvunja mkataba na waajiri wake wa zamani Man United.
Lakini kwa mujibu wa taarifa iliyotolewa na kituo cha televisheni cha Sky Sports, Mshambuliaji huyo anataka kuondoka Al-Nassr, kwa sababu mpenzi wake Georgina Rodriguez hana furaha ndani ya nchi ya Kiarabu.
Taarifa zinasema mpenzi wake ni huyo ambaye mwanamitindo anataka wahamie Madrid kwa sababu ndio sehemu anayopenda tangu muda mrefu.
Taarifa nyingine zimeibuka zikieleza, Klabu ya Real Madrid ipo tayari kumpa ofa Ronaldo mwenye miaka 38 awe kama balozi ndani ya klabu hiyo.
Hivi karibuni Rais wa Madrid, Florentino Perez aliweka wazi kwamba hata kama Ronaldo hatakuwa mchezaji wa timu hiyo ana nafasi nyingine ambayo atapewa klabuni.
Ronaldo alihusishwa na vyombo vya habari atarejea Ligi Kuu England kukipiga Newcastle United inayomilikiwa na waarabu.
Nyota huyo alikipiga Madrid miaka minane na kuwa mfungaji bora wa muda wote kiwa amepachika mabao 451 katika mechi 438 alizocheza.
Tangu alipotua Al-Nassr, Ronaldo amefunga mabao 12 katika mechi 12 alizocheza chini ya kocha Dinko Jelicic.
