Katika mji mkuu wa Kinshasa wa Jamhuri ya Kidemokrasia ya Kongo, waumini wanamiminika katika vibanda vya soko vya ghafla katika viwanja vya makanisa kununua fulana na tishu za nta zilizopambwa kwa sura ya Papa Francis, kabla ya ziara ya papa.
Bidhaa za kumbukumbu za Papa, zimekuwa bidhaa za kuuzwa katika mji huo kabla ya safari ya siku nne ya Papa wa Argentina katika nchi hiyo yenye dini nyingi Afrika ya kati, itakayoanza Januari 31.
Watu wengi wa DRC, wanaiona ziara ya papa kama fursa ya kutuliza hali ya wasiwasi mashariki mwa nchi, ambako waasi wa M23 wameteka maeneo mengi tangu mwaka jana na kuzusha mgogoro wa kibinadamu.
Zaidi ya waumini milioni moja wanatarajiwa kuhudhuria misa ya wazi katika uwanja wa ndege wa Ndolo mjini Kinshasa mnamo Februari 1, sehemu kubwa katika jiji kuu la zaidi ya watu milioni 15.
Kundi la waasi la M23, ambalo linadaiwa kuungwa mkono na Rwanda, limefanya mashambulizi dhidi ya jeshi la Kongo na hivi karibuni limefika umbali wa maili kadhaa kutoka Goma, kitovu cha kibiashara cha zaidi ya watu milioni moja na mji mkuu wa jimbo la Kivu Kaskazini.
