Rais wa Jamhuri ya Muungano wa Tanzania Samia Suluhu Hassan leo Oktoba 18,2021 amezindua kiwanda cha nyama cha Eliya Food Overseas kilichopo Longido mkoani Arusha.
Aidha, Rais Samia amezindua mradi mkubwa wa maji Longido utakaowanufaisha wananchi zaidi ya 13,000, ambapo mradi huo umegharimu bilioni 4.5 na utapeleka maji katika Mji wa Namanga na kuwaondolea kero ya maji wananchi wa mji huo.
Sambamba na hayo pia Rais Samia amesisitiza uwajibikaji kwa watumishi wa Serikali kufanya kazi kwa nidhamu na bidii ili kusimamia maendeleo ya Taifa
Aidha Rais Samia Suluhu Hassan ametoa wito kwa wakazi wa Longido kujitokeza kwa ajili ya zoezi la kuhesabiwa linalotarajia kufanyika mwakani nchini Tanzania.
