Makombora ya Urusi yaliyorushwa kwenda nchini Ukraine yameleta uharibifu kwenye makazi ya watu kwa kuharibu majengo kadhaa na miundombinu ya kiraia katika mji ulio nje kidogo ya Kharkiv.
Kwa mujibu wa Mkuu wa utawala wa eneo la Pesochin, Oleh Chernobai ameeleza jinsi uharibifu wa mji huo na kusema miundombinu kadhaa ikiwemo ya maji na barabara sambamba na mali kama magari na nyumba yaliyoharibiwa na kufunikwa na vifusi.
“Unaweza kujionea jinsi hali ilivyo haya ni makazi ya watu na makombora yametua hapa hii ni hatari maana hatujui baadae kitakuja nini sasa inatulazimu kutafuta usalama mahala pengine,” amesema Chernobai.
Uondoaji wa roketi nyingine ambazo zinadaiwa bado hazijalipuka unafanywa kwa uangalifu mkubwa huko Kharkiv ili kutoleta madhara zaidi huku watu wakifanya maandalizi ya kuuhama mji huo.
Vikosi vya usalama vya Ukraine vinafanyia kazi uharibifu na ugunduzi wa migodi iliyoachwa nyuma na wanajeshi wa Urusi na makombora ya roketi ikiwemo mizinga ambayo ilirushwa wakati wa mashambulizi lakini hayakulipuka.
Kwa mujibu wa ofisi ya mwendesha mashtaka wa eneo hilo, Kharkiv na vitongoji vyake vimekuwa vikipigwa makombora kila usiku kwa zaidi ya wiki mbili.
Ofisi ya mwendesha mashtaka inasema, migomo inafanywa kutoka eneo la Belgorod nchini Urusi.
