Vifaranga 6,400 vya kuku kutoka nchini Kenya vimeteketezwa kwa moto jijini Arusha na Mamlaka ya Chakula na Dawa (TFDA), licha ya mfanyabiashara, Mary Matia kuomba kuvirudisha alikovinunua.
Juhudi za Matia kuwabembeleza maofisa wa TFDA kutoviteketeza vifaranga ili avirerejeshe Kenya japo apate sehemu ya fedha zake zilishindikana na badala yake kugeuka kuwa shuhuda wakati vifaranga hao wakichomwa moto.
“Nimewaomba tuvirejeshe Nairobi niliponunua lakini wamegoma, mimi sikujua kama ni makosa kununua viafaranga nchini Kenya, niliataka tu angalau nirejeshewe japo nusu ya hela niliyonunulia lakini wamevichoma na mimi nimengia hasara kubwa,”amesema Matia
Aidha, amesema kuwa siku hiyo ilikuwa mara yake ya kwanza kupitisha vifaranga hivyo lakini anamiliki mabanda ya kuku katika eneo la Mianzini katika jiji la Arusha.
-
RC Rukwa awataka watumishi wa umma kutobweteka
-
Kiongozi huyu wa upinzani ahukumiwa jela miaka 25
-
Video: Makonda kukarabati mabasi ya vyombo vya Ulinzi na Usalama Dar
Hata hivyo, kwa upande wake Ofisa kutoka TFDA, Obeid Nyasebwa amesema kuwa wamechukua hatua hiyo ya kuviteketeza vifaranga hivyo kwakuwa hawajui usalama wake kutokana na kuwepo kwa taarifa za ugonjwa wa mafua ya ndege.
