Waziri wa Utamaduni, Sanaa na Michezo Mhe. Innocent Bashungwa ameliagiza Baraza la Sanaa la Taifa (BASATA) lishirikiane na Chama cha Muziki wa Dansi Tanzania,(CHAMUDATA) kumpeleka hospitali  mwanamuziki mkongwe,  Mzee Hussein Abdallah Stima mwenye umri wa miaka 85 anayesumbuliwa na maradhi ya moyo na presha tangu mwaka 2020 ili aweze kupata matibabu mara moja.

Mhe. Bashungwa ametoa agizo hilo leo Jumanne (Novemba 30) alipomtembelea Mzee Stima nyumbani kwake Buguruni kwa Mnyamani jijini Dar es Salaam kumjulia hali.

“Fanyeni taratibu zote zinazohitajika haraka ili mzee wetu apatiwe matibabu, hili linawezekana”. alisisitiza  Mhe. Bashungwa.

Katika hatua nyingine Mzee Stima ametoa wito kwa wasanii kuimba nyimbo zinazohamasisha maendeleo ya taifa na uzalendo kwa nchi yetu.

Mzee Stima ni miongoni mwa wanamuziki nguli nchini anayejulikana  kwa umaridadi wake wa kupuliza Tarumbeta (Saxophone) uliowakosha watu wengi ikiwa ni pamoja na  hayati  Mwalimu Julius Kambarage Nyerere.

Enzi za ujana wake Mzee Stima amefanya kazi katika bendi mbalimbali ikiwa ni pamojana na Cuban Marimba, JWTZ Mwenge Jazz, Vijana Jazz, S.A. Rhumba na  Washirika Njatanjata.

Waziri wa Utamaduni, Sanaa na Michezo Mhe. Innocent Bashungwa akiwa mtaani Buguruni kwa Mnyama jijini Dar es Salaam njiani kuelekea kwa Mzee Hussein Abdallah Stima mwanamuziki na mhasisi wa muziki wa dansi Tanzania anayesumbuliwa na maradhi ya moyo, presha na utu uzima (Hayupo Pichani).
Waziri wa Utamaduni, Sanaa na Michezo Mhe. Innocent Bashungwa waliosimama katikati akizungumza na Mzee Hussein Abdallah Stima mwanamuziki nguli na mhasisi wa muziki wa dansi Tanzania ambaye amelala chini, kushoto ni Katibu Mkuu wa Chama cha Muziki wa Dansi Tanzania CHAMUDATA Hassan Msumari na kulia ni Mkurugenzi Idara ya Maendeleo ya Sanaa Dkt. Emmanuel Ishengoma.
Mzee Hussein Abdallah Stima mwanamuziki nguli na mhasisi wa muziki wa dansi Tanzania anayesumbuliwa na maradhi ya moyo, presha na utu uzima akiwa aemelala  wakati alipotembelewa na Waziri wa Utamaduni, Sanaa na Michezo Mhe. Innocent Bashungwa(Hayupo Pichani)

Simba SC kuanza na JKT Tanzania
Balozi Mulamula akutana na Waziri wa China Nchini Senegal
Tags