Wataalamu wa uchunguzi wa kisayansi wameanzisha upasuaji ya miili zaidi ya 100 iliyofukuliwa kwenye Shamba la Muhubiri Paul Mackenzie anayedaiwa kuwashawishi wafuasi wake kufunga kula hadi kufa ili wakakutane na Muumba wao.
Kwa mujibu wa mpasuaji mkuu wa serikali, Johansen Oduor amesema wachunguzi hao pia watachukua sampuli za DNA kusaidia katika utambuzi, ingawa matokeo kamili yanaweza kuchukua miezi kadhaa.
Waziri wa Mambo ya Ndani nchini Kenya Kithure Kindiki akizungumza nje ya chumba cha kuifadhi maiti mjini Malindi, alisema shughuli hiyo inaanza kutekelezwa mara moja na inatarajiwa kuchukuwa muda wa wiki moja.
Paul Mackenzie Nthenge, dereva wa zamani wa teksi ambaye alianzisha dhehebu la Kikristo la Good News International Church, anashutumiwa kuwa aliwaambia wafuasi wake kwamba njaa ni kibali cha kwenda kwa Mungu.
