Afisa Habari wa Klabu ya Simba, Haji Manara amempongeza aliyekuwa mkuu wa kitengo cha mawasiliano wa Klabu ya Yanga, Jerry Muro kwa kuteuliwa kuwa Mkuu wa Wilaya ya Arumeru.
Manara ametoa pongezi hizo jijini Dar es salaam alipokuwa akizungumza na Dar24 Media, ambapo amesema kuwa uteuzi wowote wa rais hautakiwi kupingwa wala kuhoji.
Amesema kuwa Rais Dkt. Magufuli amelenga kuwapa fursa vijana hivyo anaamini kuwa hawatamwangusha kwakuwa anawafahamu vizuri kuwa ni wachapakazi.
“Mimi binafsi nauchukulia ni uamuzi sahihi na umekuja wakati muafaka, na naamini Jerry anaweza kufanyakazi vizuri, hivyo Watanzania tuache chuki binafsi,”amesema Haji Manara
-
Serikali yakabidhi Pikipiki 21 maafisa elimu Wanging’ombe kurahisisha utekelezaji wa shughuri za elimu
-
Habari Picha: Rais Dkt Magufuli akiwafariji familia ya Eric Shigongo kwa msiba
-
Majaliwa atoa siku 30 kwa madiwani wa Kigoma kujirekebisha
