Mahakama ya Juu imeainisha mambo tisa yatakayozingatiwa ili kubaini ombi la kupinga kutangazwa kwa Dkt William Ruto kuwa Rais mteule lililowasilishwa na watu mbalimbali akiwemo Kiongozi wa umoja wa Kenya, Raila Odinga.

Wakati wa shauri la awali la kusikilizwa kwa kesi hiyo katika Mahakama ya Juu, Jaji Mkuu Martha Koome alisoma maeneo ambayo majaji watazingatia wakati wahusika katika ombi hilo wakiwasilisha ushahidi wao.

Maeneo ambayo yatazingatiwa ni iwapo teknolojia iliyotumiwa na IEBC kwa ajili ya kuendesha uchaguzi mkuu wa 2022 iliafiki viwango vya uadilifu, uthibitisho, usalama na uwazi ili kuhakikisha matokeo sahihi na yanayoweza kuthibitishwa.

Jaji wa Mahakama ya Juu nchini Kenya, Martha Koome. Picha na Twitter.

Mbili ni iwapo kulikuwa na usumbufu wa upakiaji na usambazaji wa Fomu 34A kutoka vituo vya kupigia kura hadi IEBC Public Portal na tatu ni iwapo kulikuwa na tofauti kati ya Fomu 34A zilizopakiwa kwenye Tovuti ya Umma ya IEBC na Fomu 34A zilizopokelewa katika Kituo cha Kitaifa cha Kujumlisha Kura, na Fomu 34A zilizotolewa kwa Mawakala katika Vituo vya Kupigia Kura.

Eneo la nne ni iwapo kuahirishwa kwa Uchaguzi wa Ugavana katika Kaunti za Kakamega na Mombasa, kura za Wabunge katika Majimbo ya Kitui Vijijini, Kacheliba Rongai na Pokot Kusini na wadi za Nyaki Magharibi katika Eneobunge la Imenti Kaskazini na Kwa Njenga katika Eneo Bunge la Embakasi Kusini kulisababisha kukandamizwa kwa wapiga kura na waombaji katika Ombi Nambari E005 la 2022.

Jaji Koome amesema aneo la tano ni iwapo kulikuwa na tofauti zisizoelezeka kati ya kura zilizopigwa kwa wagombea urais na nafasi nyingine za uchaguzi, na eneo la sita ni wapo IEBC ilitekeleza uthibitishaji, kujumlisha, na kutangaza matokeo kwa mujibu wa Kifungu cha 138 (3) (c) na 138 (10) cha Katiba.

Jengo la Mahakama ya Juu nchini Kenya lililopo jijini Nairobi. Picha na Capital News.

Aidha, amelitaja eneo la saba kuwa ni iwapo Rais Mteule aliyetangazwa alipata kura 50%+1 ya kura zote zilizopigwa kwa mujibu wa Kifungu cha 138 (4) cha Katiba na eneo la nane ni iwapo kulikuwa na kasoro na uharamu wa kiwango cha juu cha kuathiri matokeo ya mwisho ya Uchaguzi wa Rais.

Jaji Martha Koome, ametaja eneo la mwisho kuwa ni – Je, ni msamaha na maagizo gani ambayo Mahakama inaweza kutoa/kutoa? na tayari imeanza kusikiliza ombi hilo kwa siku ya pili hi leo Agosti 30, 2022 kwa kuitaka Tume huru ya Uchaguzi na Mipaka IEBC, kumpatia Odinga idhini ya kufikia seva zozote katika Kituo cha Kitaifa cha Kujumlisha kura ambazo huenda zilitumika kuhifadhi na kusambaza taarifa za upigaji kura

Rais Samia: 'Polisi ikifanya vibaya tatizo limeanzia juu'
Kashfa Jeshi la Polisi kwa kuuwa watu 14